Баклини мағлуб этган Усман кейинги рақиби ким бўлишини айтди

Яримўрта вазн тоифасидаги энг тажрибали аралаш яккакураш устаси кеча АҚШнинг Атланта шаҳрида ўтган UFC on ESPN 69 турнирининг асосий жангида америкалик Хоакин Баклини 5 раунд натижаларига кўра ҳакамларнинг якдил қарори (48-47, 49-46, 49-46) билан мағлубиятга учратган эди. 

"Қисқа муддатда ўзимдан анча ёш, айни кучга тўлган, ғалабага чанқоқ, дивизиондаги энг хавфли рақибни беришди. Одамлар мени эсдан чиқариб қўйишганди. Жин урсин, улар мени жанг қилишни билмайдиганга чиқаришганди. Уларнинг муносабати менга ҳақорат эди. Мен бугун кўрсатган жангим билан уларга муносиб жавоб бердим", - деди UFC on ESPN 69 турниридан кейинги матбуот анжуманида.

Шунингдек, Усман кейинги жангида яримўрта вазн чемпионлиги учун кечадиган Жек Делла Маддалена ва Ислам Махачев ўртасидаги тўқнашув ғолибига қарши октагонга чиқмоқчи эканини яшириб ўтирмади.

"Келинглар, очиқ гаплашамиз. Мен айни пайтда дивизиондаги энг катта ном ва табиийки, юлдузман. UFC промоушенида ҳамма нарса шоу устига қурилади. Энг катта жанг ҳам Жек Делла Маддалена ва Ислам Махачев ўртасидаги жанг ғолибига қарши бўлади. Агар Ислам ғалаба қозонса, унда ташкилотнинг кечаги ва бугунги энг яхши жангчиси учрашади – ким бу тўқнашувга катта пул тўламайди? Бу жангни ҳамма кўришни хоҳлайди. Шу қаторида мен ҳам. Бугунги кўрсатган жангим менга камар учун октагонга чиқиш ҳуқуқина беради, деб ўйлайман", - дея сўзларига якун ясади нигериялик собиқ чемпион.