12 май 10:06
Янгиликлар

Дзюдо

Baku Grand Slam. Бугун Собировга мухлислик қиламиз

Озарбайжон пойтахти Боку шаҳрида “Катта Дубулға” туркумига кирувчи нуфузли турнир давом этмоқда.

Бугун Baku Grand Slam 2019 мусобақасининг сўнгги учинчи кунги баҳсларида Шаҳзодбек Собиров юртимиз шарафини ҳимоя қилади. -90 кг вазн тоифасидаги юртдошимиз ўз иштирокини биринчи даврадан бошлайди.

Собиров илк учрашувида британиялик Жамал Петгравга қарши татамига чиқади. Ушбу баҳс ғолибини иккинчи даврада венгриялик Кристиан Тот кутиб турибди.

Маълумот учун, “Катта Дубулға” туркумига кирувчи турнир ғолиблари 1000 рейтинг очкосини қўлга киритишади. Кумуш медал соҳиблари 700, бронза медал совриндорлари эса 500 рейтинг очкосига эга бўлишади. Бешинчи ўрин эгалари 360, еттинчи поғона билан кифояланганлар 260 очкони ўз ҳисобларига ёзиб қўйишади.