Баракалла! "Номзодлар турнири". Синдаров пешқадамлар баҳсида асосий рақиби Фабиано Каруанани мағлуб этди

Хабар берганимиздек, мусобақада амалдаги Жаҳон Кубоги ғолиби ҳамюртимиз Жавоҳир Синдаров ҳам муваффақиятли иштирок этяпти. Гроссмейстеримиз илк турда россиялик Андрей Есипенкони мағлуб этиб, иккинчи турда германиялик Маттиас Блубаум билан муросага келган, учинчи турда эса қора доналарда ўйнаганига қарамай, ўзи сингари 1,5 очкога эга бўлиб турган ҳиндистонлик Рамешбабу Праггнанандҳани чиройли тарзда таслим этишга муваффақ бўлганди. 

Ҳозиргина Синдаров асосий рақиби, ўзи сингари 2,5 очкога эга бўлиб турган, дунёнинг амалдаги учинчи рақамли шахматчиси америкалик Фабиано Каруанани мағлуб этишнинг уддасидан чиқди. Ушбу ғалабадан сўнг Жавоҳир 4 имкониятдан 3,5 очко тўплаб, турнир жадвалида якка пешқадам бўлиб олди.