21 апр 10:30
Янгиликлар

Бокс/ММА

Барбоза: "ТОП-10да Хабибни мағлуб этадиган спортчилар албатта топилади"

UFCда енгил вазн тоифасида жанг қиладиган Эдсон Барбоза Хабиб Нурмагомедовни дивизионнинг энг кучли спортчиси деб ҳисобламайди.

"Айни пайтда енгил вазнда ким энг кучли эканлигини аниқ айтиш қийин. Ҳар доим ҳам энг кучлилар ғалаба қозонавермайди. Аниқ битта спортчини танлаб айтиш қийин. Кучли бешликдаги барча спортчи ҳақида гапиришим мумкин. Чунки, улар юқори савиядаги спортчилар. Фикримча, ТОП-10да Хабибни мағлуб этадиган спортчилар албатта топилади.

Хабиб ва Фергюсонга қарши албатта реванш истайман. Ишончим комил, келажакда уларга қарши жанг қиламан. Мен қаттиқ шуғулланяпман. Хабибдан учралган мағлубият менга яна мотивация бағишлаган", - деди Барбоза.