27 апр 12:37
Янгиликлар

Теннис

Barcelona Open. Грунт қироли Надалнинг юриши давом этади

Испаниянинг Барселона шаҳрида теннис бўйича ушбу ҳафтага белгиланган энг нуфузли турнир давом этмоқда.

Barcelona Open Banc Sabadell ёки Trofeo Conde de Godó номи билан аталувчи ушбу мусобақанинг соврин жамғармаси 2 510 900 еврони ташкил қилади. Дунёнинг биринчи ракеткаси ҳисобланган Рафаэль Надаль ортиқча қийинчиликсиз чорак финал иштирокчисига айланди.

Испаниялик юлдуз нимчорак финал учрашувида ҳамюрти Гильермо Гарсия-Лопесга қарши кортга чиқиб, дунё рейтингида 69-ўринни эгаллаб турган рақибини 6:1, 6:3 ҳисобида мағлуб этди. Бугун Рафа ярим финал чиптаси учун словакиялик Мартин Клижанга қарши баҳс олиб боради.