28 апр 10:31
Янгиликлар

Теннис

Barcelona Open. Грунт қироли ярим финалга чиқди

Испаниянинг Барселона шаҳрида теннис бўйича ушбу ҳафтага белгиланган энг нуфузли турнир давом этмоқда.

Barcelona Open Banc Sabadell ёки Trofeo Conde de Godó номи билан аталувчи ушбу мусобақанинг соврин жамғармаси 2 510 900 еврони ташкил қилади. Дунёнинг биринчи ракеткаси ҳисобланган Рафаэль Надаль ортиқча қийинчиликсиз ярим финал иштирокчисига айланди.

Испаниялик юлдуз чорак финал учрашувида словакиялик Мартин Клижанга қарши кортга чиқди. Бир соату 45 дақиқа давом этган учрашувда Надаль 6:0, 7:5 ҳисобида зафар қучди. Энди у финал чиптаси учун бельгиялик Давид Гоффинга қарши баҳс олиб боради.