"Барселона" ЕЧЛда клуб антирекордини ўрнатди

Чемпионлар Лигаси плей-офф босқичига чиқиш имкониятини йўқотган "Барселона" гуруҳ босқичини "Виктория" устидан қозонилган ғалаба (4:2) билан якунлади. "Кўк-анорранглилар" уч очко олишди, аммо дарвозаси дахлсизлигини сақлаб қола олишмади. 

Улар гуруҳнинг барча ўйинларида гол ўтказиб юборишди: "Бавария" билан ўйинларда мағлубият (0:2, 0:3), "Виктория" устидан ғалаба (5:1, 4:2) ва "Интер" билан қарама қаршиликлар (0:1, 3:3).

"Барселона" биринчи марта Чемпионлар Лигаси гуруҳ босқичидаги бирорта ўйинни "қуруқ" ўтказмади. 

Эътиборлиси, "кўк-анорранглилар" айни дамда Испания чемпионатида энг ишончли ҳимояга эга – 12 турда 4 та гол ўтказиб юборилган.