"Барселона"да навбатдаги можаро: клуб президенти фирибгарликда гумонланмоқда

Бу ҳақда AS нашри хабар берди.

Каталония клуби раҳбарлари инвесторлар олдида молиявий мажбуриятларни бажармаган Core Store компанияси билан алоқаларда бўлган. Компания мижозларидан бири киритган 104 минг евродан атиги 12,5 минг евронигина қайтариб олишга муваффақ бўлган.

Core Store ва у билан боғлиқ CSSB Limited компанияси мижозлари шартномалар бир неча бор бузилгани ҳақида шикоят қилишни бошлаган. Core Store’'инг менежери сифатида қаралаётган Лапортага нисбатан аллақачон учинчи даъво аризаси киритилган.

Ҳуқуқни муҳофаза қилувчи органлар ушбу иш юзасидан кўрсатма бериш учун "Барселона" президентни чақирган. У билан бирга Рафа Юсте ҳамда Каталония клубининг яна икки нафар собиқ директори гумонланувчилар рўйхатига киритилган.