16 дек 07:23
Янгиликлар

Кураш

Бел олиш ва уч кураш: Термизда кучлилар аниқланди

Термиз туманидаги болалар-ўсмирлар спорт мактабида бел олиш ва уч кураш бўйича 2003-2004 йилларда туғилган ўсмирлар ва қизлар ўртасида Ўзбекистон чемпионати ҳамда катталар ўртасида мамлакат Кубоги мусобақаси бўлиб ўтди.

Ўзбекистон Республикаси Жисмоний тарбия ва спорт вазирлиги ҳамда Бел олиш ва уч кураш ассоциациясининг йиллик-тақвимидаги мазкур беллашувларда мамлакатимизнинг барча ҳудудларидан 500 нафардан ортиқ полвонлар ғолиблик учун кураш тушишди.

Мусобақада спортчилар ўз вазн тоифаларига кўра бел олиш ва учкурашнинг йўналишлари бўйича муросасиз баҳс олиб боришди.

Ўсмирлар ўртасида Абдуҳаким Мўйдинов, Маъруфжон Болтабоев, Илёсбек Аҳмаджонов, Абдуҳаким Маҳмудов, катталар ўртасида Сарвар Мирзаев, Дилмурод Жўраев, Сайфиддин Яхшибоев сингари полвонлар барча рақибларини енгиб, олтин медалларга эга бўлишди.