01 ноя 11:22
Янгиликлар

Бокс/ММА

Белал Муҳаммад - Шавкат Раҳмонов жанги бекор қилинди

Яримўрта вазнда амалдаги UFC чемпиони Белал Муҳаммад қозоғистонлик Шавкат Раҳмоновга қарши октагонга чиқмайди.

Ушбу жанг 7 декабрь куни АҚШнинг Невада штати Лас-Вегас шаҳридаги UFC 310 турнири доирасида ўтказилиши керак эди. Айни пайтда матчмейкерлар Раҳмоновга бошқа рақиб излашяпти. Ҳозирча UFC бу жангнинг бекор қилиниши юзасидан расмий хабар бергани йўқ.

Маълумотларга қараганда, жангнинг бекор қилинишига 36 ёшли Белал Муҳаммад сабаб бўлган. У шу йилнинг июль ойида Манчестерда ўтган UFC 304 турнирида британиялик Леон Эдвардсни очколар ҳисобига кўра мағлуб этиб, яримўрта вазннинг янги чемпионига айланганди.

Қозоғистонлик 30 ёшли Шавкат Раҳмонов кетма-кет олтита жангда рақибларини муддатидан аввал таслим этган. Сўнгги жанги даъвогарлар мақомида бўлиб, ўшанда у иккинчи раундда Стивен Томпсонни мағлубиятга учратган эди.