Беларусдаги халқаро турнирда қатнашган боксчи қизларимиз юртимизга қайтиб келишди + ФОТО

Ушбу мусобақада ўзбекистонлик боксчи қизлар ҳам иштирок этишди. Қувонарлиси, баҳсларда қатнашган 8 нафар боксчимизнинг барчаси мусобақада шоҳсупага кўтарилди. 

Мусобақа якунига кўра, ўзбекистонлик боксчилар қуйидаги натижани қайд этишди:

Олтин медаль: 

-51 кг: Гуласал Султоналиева

-54 кг: Ситора Шогдарова

-60 кг: Дилфуза Бекова

-64 кг: Моҳинабону Абдуллаева

-69 кг: Навбаҳор Ҳамидова

Кумуш медаль: 

-60 кг: Зиёда Ярашева

-69 кг: Хадичабону Абдуллаева

Бронза медаль:

-57 кг: Ситора Турдибекова

Қизларимиз мусобақада мураббий Элшод Расулов ва Дилмурод Ҳасанов бошчилигида иштирок этишди. Жасурбек Қурбонов эса ҳакам сифатида фаолият олиб борди. 

Мусобақада муваффақиятли иштирок этган спортчиларимиз бугун юртимизга қайтиб келишди. 

Улар Ислом Каримов номидаги Тошкент халқаро аэропортида тантанали равишда кутиб олинди. Кутиб олиш маросимида Ўзбекистон бокс федерацияси мутасаддилари, мураббийлар, спортчиларимизнинг яқинлари ва ОАВ вакиллари иштирок этишди. 

Ўзбекистон бокс федерацияси матбуот хизмати