Белбоғлар ранги ўзгарди ФОТОРЕПОРТАЖ

Икки юз нафарга яқин дзюдочилар KU талаб ва мажбуриятларини муваффақиятли тарзда топширишди ҳамда янги рангли белбоғга эга бўлдилар. Бу билан улар бир даража юқорига кўтарилиб ҳам олдилар. 

Тадбирда Ўзбекистон Жисмоний тарбия ва спорт вазири ўринбосари Авазжон Каримов, Ўзбекистон Миллий олимпия қўмитаси раис ўринбосари, мамлакат дзюдо федерацияси раиси Азизжон Камилов, терма жамоа бош мураббийи Илиас Илиадис, терма жамоа аъзолари ҳамда оммавий ахборот воситалари ходимлари ҳозир бўлишди. Ота-оналар эса фарзандлари бажарган машқларни катта ҳаяжон билан кузатиб боришди. 

"Бугун сизлар учун унутилмас кун. Том маънода катта йўлининг бошида турибсизлар. Машғулотлар ва мусобақаларда орттирган тажрибангизни ҳакамлар назоратидан ўтказдинглар. Сизларга тилагим, меҳнат қилишдан асло тўхтаманг. Фақат меҳнат эвазига мақсадга эришиш мумкин. Фурсатдан фойдаланиб, сизларга ёрқин фаолият тилайман", - деди дзюдо афсонаси, Олимпиада чемпиони, уч карра жаҳон чемпиони Илиас Илиадис. 

Имтихон якунида дзюдочиларга сариқ, тўқ сариқ ва яшил рангдаги белбоғлар тантанали равишда топширилди.