Белград (ATP). Денис Шаповалов 5 йил деганда соврин ютди

Дунёнинг 78-ракеткаси бўлиб турган Денис Шаповалов мусобақа бош совринига эга чиқди. Канадалик теннисчи ҳал қилувчи финал учрашувида ATP рейтингида 156-поғонасидан жой олиб турган мезбон теннисчи Хамад Межедовични 6/4, 6/4 ҳисобида мағлубиятга учратди. 

Бу теннисчиларнинг ўзаро ўтказган илк учрашуви бўлди. Етмиш саккиз дақиқа давом этган баҳсда Шаповалов 13, Межедович 3 та эйс зарбасини амалга оширган. Шаповалов 5 йил деганда ATP тоифасига кирувчи турнирда чемпион бўлди. Канадалик бир ҳафталик меҳнатидан 250 рейтинг очкоси ҳамда 88,125 евро мукофот пули ишлаб олди.