19 мар 11:34
Янгиликлар
Бокс/ММА
Нурсултон Рўзибоев россиялик жангчига қарши октагонга чиқади + ФОТО
Аралаш яккакураш устамиз Нурсултон Рўзибоевнинг навбатдаги жанги тафсилотлари маълум бўлди.
Ҳамюртимиз 27 июнь куни Озарбайжон пойтахти Боку шаҳрида ташкил этиладиган UFC турнирида "Шторм" мактаби вакили, россиялик Андрей Пуляевга қарши октагонга чиқадиган бўлди.
Маълумот учун, 28 ёшли Андрей Пуляев UFC промоушенида 3 та жанг ўтказган. Кристиан Лерой Данкан ва Атебе Готьега очколар ҳисобига ютқазган бўлса, Ник Кляйнни техник нокаут эвазига мағлубиятга учратган.
32 ёшли Нурсултон Рўзибоев эса икки ғалабали серия билан келмоқда. Эрик МакКонико техник нокаут қилинган бўлса, Дастин Штольцфусдан ҳакамларнинг якдил қарори билан устун келган эди. Рўзибоев UFC`даги ягона мағлубиятини Хоакин Баклидан қабул қилиб олган.
Ҳавола :
Фикрлар