19 мар 10:46
Янгиликлар

Бокс/ММА

Мелиқўзиев кутишда давом этади: Ресендис ўз камарини Мунгиядан ҳимоя қиладиган бўлди

Проф бокснинг супер ўрта вазн тоифасида WBA камари соҳиби Армандо Ресендиснинг кейинги жанги расман эълон қилинди.

У 2 май куни Лас-Вегасдаги (АҚШ) T-Mobile Arena мажмуасида ташкил этиладиган проф бокс оқшомининг co main event баҳсида рингга кўтарилади.

Вакант камарга эга чиққан Ресендис илк ҳимоя жангида Хайме Мунгия билан баҳс олиб боради.

Мусобақа марказий жанги эса Давид Бенавидес ва Хильберто Рамирес ўртасида жаҳон чемпионлиги учун кечади. Мазкур оқшом доирасида ҳамюртимиз Шаҳрам Ғиёсов мексикалик Рауль Куриэль билан WBA Regular камари учун жанг қилиши ҳақида миш-мишлар тарқалганди.

Маълумот учун, Бектемир Мелиқўзиев мажбурий даъвогар сифатида Ресендис ва Мунгия баҳси ғолиби билан тўқнаш келади.