Bellator 278: Марказий жанг янги чемпионни тақдим этди

Оқшомнинг марказий жанги енгил вазн тоифасида UFC чемпионлик камари учун собиқ даъвогар Лиз Кармуш иштирокида бўлиб ўтди. У Жулиана Веласкесга қарши октагонга кўтарилиб, янги Bellator чемпионига айланди. 

Дастлабки раундлар тенг курашлар остида кечди. Боксни яхши ўзлаштирган Веласкес икки бор рақибасини нокдаун ҳолатига туширишга ҳам муваффақ бўлди. Аммо, муваффақиятини ривожлантири олмади.  

Тўртинчи раундда Кармуш Жулианани партерга туширди ва жавобсиз зарбалар йўллай бошлади. Рефери Майк Белтран эса бу вазиятда жангни тўхтатишга мажбур бўлди. Бу ҳолатда раунд якунланишига 13 сония вақт қолганди. 

Юзида деярли "зарбалар изи" бўлмаган Веласкес реферининг қарорига ўз эътирозини билдирди. Лекин Белтран ўз қарорини ўзгартирмади. Кармуш кетма-кет тўртта ғалабасидан сўнг Bellator чемпионига айланди. Жулиана Веласкес эса нафақат камаридан маҳрум бўлди, балки фаолиятидаги илк мағлубиятини ҳам қабул қилиб олди.