30 окт 16:32
Янгиликлар

Бокс/ММА

Bellator 287 турнирининг марказий жангида лига дебютанти рақибини бўғиб қўйди

Италиянинг Милан шаҳрида Bellator промоушенининг навбатдаги турнири бўлиб ўтди.

Bellator 287 оқшомининг марказий жанги енгил вазн тоифасида собиқ BAMMA, M-1 Challenge ва ROAD FC промоушенлари чемпиони франциялик Мансур Барнауи ҳамда италиялик Адам Пикколлотти ўртасида ўтказилди. Bellator лигасида дебют қилган Мансур иккинчи раундда рақибини бўғиб қўйди. Бу Барнауининг кетма-кет қозонган саккизинчи ғалабаси бўлди.

Оқшомнинг сo-main event жангида британиялик Фабиан Эдвардс уч раундлик жангда Конор Макгрегорнинг жамоадоши Чарли Уордни очколар ҳисобига кўра мағлубиятга учратди. Фабиан амалдаги UFC чемпиони Леон Эдвардснинг туғишган укаси ҳисобланади.