Bellator сотилишини эшитган UFC президенти ҳайратини яшира оламади

UFC президенти Дана Уайт ушбу янгиликка муносабат билдирди. 

"Нима учун? Бу коинотда кимнинг миясига Bellator промоушенини сотиб олиш истаги келди? Агар биз бизнес ва тўғри қарор қабул қилиш ҳақида гапираётган эканмиз, Bellator`ни харид қилиш энг ёмон қарор бўлади. Тасаввур қиляпсизми? Очиғи, мен шуни тушунмаяпман. Келинг, охири нима билан тугашини кузатамиз. Бу янаям қизиқ бўлса керак", - деди UFC раҳбари Лас-Вегасдаги матбуот анжуманида.  

Дарвоқе, Уайт PFL лигаси Bellator ташкилотини 500 миллион долларга сотиб олмоқчи эканини эшитганда хайрати яна ҳам ошди.

"Bellator учун 500 миллион доллар? Ажойиб. Қароқчиликка, расмий талончиликка ўхшайди. Бу шунчаки аҳмоқлик", - дея қўшимча қилди Уайт.