Bellator тугатиладими? Промоушен президенти жавоб берди

Унда 23 сентябрь куни Ирландия пойтахти Дублин шаҳрида ўтказиладиган Bellator 299 турнири ташкилот тарихидаги сўнгги мусобақа бўлиши айтилган эди. 

Хабарда айтилишича, Bellator MMA промоушенига эгалик қилувчи Американинг Viacom медиаконгломерати PFL лигаси билан келишувга яқин турибди. Айнан PFL Bellator активларини сотиб олмоқчи. Бу иккита ташкилот бирлашиб, со-промоушен бўладими? Ҳозирча буниси қоронғу. Ҳар қандай ҳолатда ҳам Ирландиядаги турнир Bellator учун ҳозирги ҳолатидги сўнггиси бўлади. 

"Bellator ўзига ҳамкор излаяпти. Яқин икки ой ичида аниқ маълумотга эга бўласиз. Ҳақиқатан ҳам, PFL музокаларда иштирок этяпти. Ҳозирда Viacom PFL ҳамда яна иккита компания билан музокара ўтказяпти", - деди Bellator президенти Скотт Кокер. 

Эслатиб ўтамиз, 23 сентябрга белгиланган Bellator 299 турнирининг марказий жанги ўрта вазн тоифаси чемпионлик камари учун бўлиб ўтади. Унда америкалик Жонни Эблин британиялик Фабиан Эдвардсга қарши октагонга кўтарилади.