30 мар 11:13
Янгиликлар
Теннис
Бенчич Miami Open турнирининг 1/2 финалига чиқди
Майами "Мастерс" турнирининг аёллар ўртасидаги баҳсларида ярим финалга чиққан яна бир теннисчининг номи маълум бўлди.
Жаҳоннинг 28-ракеткаси, швейцариялик Белинда Бенчич турнирнинг чорак финалида WТА рейтингида 249-поғонани эгаллаб турган австралиялик Дарья Сэвиллни 6/1, 6/2 ҳисобида мағлуб этди ва мусобақанинг ярим финалига йўл олди.
Бир соату 9 дақиқа давом этган учрашувда 25 ёшли Бенчич битта эйс зарбани амалга ошириб, тўпни ўйинга киритишда икки марта қўшхатога йўл қўйди ва олтита брейк-пойнтни амалга оширди. 28 ёшли Сэвилл эса икки марта эйс зарбасини ижро этиб, уч бор қўшхатога йўл қўйди ва битта брейк қайд этди. Теннисчиларнинг ўзаро учрашувларида ҳисоб тенглашди - 2:2.
Miami Open турнирининг ярим финалида Бенчич япониялик Наоми Осакага қарши баҳс олиб боради.
Ҳавола :
Манба : gotennis
Фикрлар