17 фев 08:36
Янгиликлар

Теннис

Бертенс Питерда чемпионлик унвонини ҳимоя қилди

Россиянинг Санкт-Петербург шаҳрида нуфузли WTA турнири якунланди.

Мусобақанинг ҳал қилувчи финал учрашувида сайёрамизнинг саккизинчи ракеткаси Кики Бертенс рейтингнинг 25-поғонасидан жой олиб турган қозоғистонлик Елена Рибакинага қарши кортга чиқди. Бертенс турнирнинг амалдаги ғолибаси эди.

Кутилганидек, 1 соату 14 дақиқа давом этган финал баҳсида Бертенс рақибасини мағлуб этишни уддалади - 6/1, 6/3. St.Petersburg Ladies Trophy турниридаги муваффақиятли иштирок Кики Бертенсга 470 рейтинг очкоси ҳамда 146,500 доллар мукофот пулини тақдим этди.