09 сен 09:16
Янгиликлар
Бокс/ММА
Бетербиев - Дайнес чемпионлик жанги расман тасдиқланди
Ярим оғир вазн тоифасида WBC ва IBF йўналишлари чемпиони Артур Бетербиевнинг навбатдаги ҳимоя жанги расман тасдиғини топди.
Россиялик жаҳон чемпиони 23 октябрь куни Москва шаҳрида германиялик Адам Дайнес (19-1-1, 10 КО) билан тўқнаш келади.
"Жангимнинг янги санаси — 23 октябрь, рақибим эса Германия боксчиси Адам Дайнес бўлади. Москвада ўтадиган чемпионлик ҳимоя жангида сизларни чиройли ғалабам билан хушнуд этишга ҳаракат қиламан. Қўллаб-қувватлаганингиз учун раҳмат", — дея Инстаграм саҳифасида хабар қолдирган Бетербиев.
Аслида Артур Бетербиев ўзининг IBF камарига расмий даъвогар Мэн Фаньлунга қарши рингга кўтарилиши керак эди. Лекин коронавирус пандемияси сабаб жанг қолдирилди. Кейин эса хитойлик боксчининг АҚШга кела олмаслиги маълум бўлди. Артурнинг янги рақиби Адам Дайнес фаолиятидаги ягона мағлубиятини айнан Фаньлундан қабул қилиб олган.
Ҳавола :
Фикрлар