Бетербиев Усик билан жанг қилишга тайёр эканини айтди

Яримоғир вазн тоифасида россиялик боксчи, WBC, WBO ва IBF камарлари соҳиби Артур Бетербиев (18-0) оғир вазн тоифасида WBA, WBO ва IBF йўналишлари чемпиони Александр Усик (20-0) билан биринчи оғир вазн тоифасида жанг қилиши мумкинлигини айтди.

"Усик билан жанг қиламанми? Билмадим. У ҳам оғир вазнда жанг қилади. Биринчи оғир вазнда бўлса, майли, лекин оғир вазнда бўлмайди. Мен унчалик вазн йиға олмайман", - дея таъкидлаган Бетербиев Boxing Social нашрига берган интервьюсида.

Маълумот учун, Артур Бетербиев 28 январь куни Буюк Британия вакили Энтони Ярдга (23-2) қарши жанг қилади.

Артур Бетербиев сўнгги бор 2022 йил 18 июнь куни америкалик Жо Смит Жуниорга (28-4) қарши жанг қилиб, техник нокаут эвазига ғолиб бўлган эди.