29 дек 14:26
Янгиликлар

Бокс/ММА

Бетербиевнинг жанги коронавирус сабаб бекор бўлди

Яримоғир вазн тоифасида WBC ва IBF камарлари соҳиби Артур Бетербиев коронавирусга чалинди.

Россиялик жаҳон чемпионининг жанги 2021 йилнинг 30 январь кунига белгиланганди. Бетербиев шу куни германиялик Адам Дейнесга қарши рингга кўтарилиши керак эди.

"Қадрли дўстлар! Афсуски, менда коронавирус тасдиқланди. Шу сабабдан менинг Адам Дайнес билан ўтказадиган жангним номаълум муддатга кўчирилади. Имкон қадар тезроқ касалликдан фориғ бўлиб, сафга қайтишга ҳаракат қиламан. Мени тўғри тушунасиз деган умиддаман", — дея Инстаграм саҳифасида хабар қолдирган Бетербиев.

Эслатиб ўтамиз, аслида Бетербиев — Дейнес жанги октябрь ойида ўтказилиши лозим эди. Лекин Артурнинг жароҳати сабаб жанг қолдирилганди. Бетербиев охирги жангини 2019 йилнинг октябрь ойида украиналик Александр Гвоздикка қарши ўтказиб, рақибини мағлубиятга учратган эди.