Billie Jean King. Бугун Ҳиндистонга қарши кортга чиқамиз

Кеча Ўзбекистон аёллар терма жамоаси саралаш баҳслари доирасидаги илк учрашувда анчайин кучли рақиб бўлмиш — Хитой аёллар терма жамоасига қарши кортга чиқди.

Илк яккалик ўйинида Сабрина Олимжонова Жианг Ксинюга 3/6, 1/6 ҳисобида мағлуб бўлган бўлса, иккинчи учрашувда Севиль Юлдашева Женг Ву Шуангга қарши кортга чиқиб, 0/6, 1/6 ҳисобида имкониятни бой бериб қўйди. Оминахон Валихонова ҳамда Мафтунабону Қаҳрамонова жуфтлиги эса Жианг Ксиню/Янг Жао Хуан тандемига қарши баҳс олиб бориб, мағлубиятга учради.

Бугун вакилаларимиз ҳиндистонлик дугоналарига қарши кортга чиқишади. Ҳиндистон аёллар терма жамоаси кеча Таиланд устидан 2:1 ҳисобида зафар қучган эди.

Турнирнинг бугунги тақвими:

Япония - Таиланд
Хитой - Корея Республикаси
Ҳиндистон - Ўзбекистон.

Учрашувлар 10:00 да пойтахтимиздаги Теннисга ихтисослашган Олимпия мактаби хард кортларида бошланади.