Billie Jean King Cup. Ўзбекистон аёллар терма жамоасининг таркиби маълум

Теннис бўйича Ўзбекистон аёллар терма жамоаси 22-27 август кунлари Душанбе шаҳрида "Billie Jean King Cup" мусобақа "Asia/Oceania Group II" босқичи доирасидаги ўйинларда иштирок этади. Ушбу мусобақада юртимиз шарафини ҳимоя қиладиган таркиб маълум қилинди. Унга кўра, Акгул Аманмурадова, Алия Мусабекова, Оминаон Валиҳонова, Мафтунабону Қаҳрамонова ва Насиба Эсполова таркибдан ўрин олган. Жамоа сардори Акгул Аманмурадова.  

Мусобақада қуйидаги 8 та давлат иштирок этади: Бруней-Даруссалам, Гуам, Мўғулистон, Покистон, Шри-Ланка, Тожикистон, Туркманистон ва Ўзбекистон. 4 та давлатдан иборат 2 та гуруҳда жамоалар ўзаро баҳс олиб боришади ва ўз гуруҳида биринчи ўринни эгаллаган мамлакат кейинги босқичга йўл олади.