Billie Jean King Cup. Ўзбекистон Гуамни йирик ҳисобда мағлуб этди

Бугун "Billie Jean King Cup" мусобақаси "Asia/Oceania Group II" босқич ўйинлари доирасида Ўзбекистон терма жамоаси Гуам термасига қарши кортга чиқди. "А" гуруҳидаги дастлабки учрашувда Оминахон Валиханова Сидней Паккбиерни 6:2 6:0 ҳисобида мағлубиятга учратди, иккинчи ўйинда эса Акгул Аманмурадова Фремонт Гибдонни 6:0, 6:0 ҳисобида таслим этди. Жамоаларнинг учинчи учрашувида Насиба Эсполова/ Алия Мусабекова жуфтлиги Фремонт Гибсон/Сидней Паккбиер тандемидан 6:1, 6:3 ҳисобида устун келди. Шу тариқа, терма жамоамиз Гуам устидан 3:0 ҳисобида ғалаба қозонди.