Billie Jean King Cup. Ўзбекистон Мўғулистонни мағлуб этиб, "Asia/Oceania Group II" босқичи ғолибига айланди

"Billie Jean King Cup" мусобақаси "Asia/Oceania Group II" босқичи "А" гуруҳида иштирок этган Ўзбекистон терма жамоаси гуруҳидаги барча ўйинларни ғалаба билан якунлаб, "Б" гуруҳи ғолиби Мўғулистон терма жамоасига қарши финалда кортга чиқди. Дастлабки учрашувда Оминаҳон Валиҳанова Мартаа Чогсомжавга 5/7, 2/6 ҳисобида имониятни бой бериб қўйди. Терма жамоалар ўртасидаги иккинчи баҳсда эса Акгул Аманмурадова Маралгоо Чогсомжавни 6/2, 6/1 ҳисобида мағлубиятга учратди ва ўртадаги ҳисобни тенглаштирди - 1:1. 

Ҳал қилувчи баҳсда эса Акгул Аманмурадова ва  Оминаҳон Валиҳанова жуфтлиги Мартаа Чогсомжав/Маралгоо Чогсомжав тандемини 6/2, 6/3 ҳисобида мағлуб этиб, "Billie Jean King Cup" мусобақаси "Asia/Oceania Group II" босқичи ғолибига айланди.