Billie Jean King Cup. Теннисчиларимиз бу сафар Индонезияга аламли тарзда мағлуб бўлди

Бугун мусобақанинг II Осиё/Океания гуруҳида иштирок этаётган Ўзбекистон терма жамоаси Индонезияга қарши кортга чиқди.

Дастлабки баҳсда юртимизнинг учинчи ракеткаси Дарья Шубина Анжали Кирана Жунартога қарши ўйнаб, 0:2 (6/7, 6/7) ҳисобида таслим бўлди. Иккинчи ўйинда эса кутилмаганда Нигина Абдураимова ўрнига Сабрина Олимжонова кўриниш берди. Эътиборлиси, Олимжонова ўз ўйинида Мишка Синклейр Гоенадидан устун келди — 2:0 (6/3, 6/3).

Ҳал қилувчи учинчи тўқнашувда эса Абдураимова/Шубина жуфтлиги Индонезиянинг аввалги икки ўйинда кортга чиққан вакилалари олдида аламли мағлубиятни қабул қилиб олди — 0:2 (6/7, 5/7).

Шундай қилиб, Оқгул Омонмуродова сардорлиги остидаги теннисчи қизларимиз ўзларининг иккинчи ўйинида иккинчи мағлубиятини қаршилади.