Billie Jean King кубоги. Ўзбекистон Сингапурга қарши 7-8-ўринлар учун кортга чиқди

Гуруҳ баҳсларини омадсиз ўтказган Ўзбекистон терма жамоаси 7-8-ўринлар учун кечган учрашувда сингапурлик теннисчиларни мағлуб этишди. Нигина Алимова Тонг Оудрейга ҳеч қандай имконият қолдирмади - 6/0, 6/0.  Сабрина Олимжонова эса Эва Мари Десвинесдан 7/6(4), 6/0 ҳисобида устун келди.   

Оқгул Омонмуродова сардорлигидаги терма жамоамиз кеча гуруҳнинг сўнгги ўйинида Эронни 2:1 ҳисобида мағлуб этган эди. Ўзбекистон терма жамоаси учун бу ғалаба Billie Jean King кубогининг II Осиё/Океания гуруҳидаги ягона бўлиб қолди. Қизларимиз B гуруҳида 1 ғалаба ва 3 мағлубият қайд этишди. А гуруҳида 4-ўринни эгаллаган Сингапурга қарши баҳсда 7-ўрин тақдирини ҳал қилдик.