17 ноя 13:28
Янгиликлар

Бокс/ММА

Билол Муҳаммад жамоадоши Ислам Махачевни табриклади

Ярим ўрта вазн тоифасида собиқ UFC чемпиони Билол Муҳаммад жамоадош дўсти, россиялик Ислам Махачевни кечаги ғалаба билан табриклади.

Махачев UFC 322 турнирида австралиялик Жек Делла Маддаленани мағлубиятга учратиб, ярим ўрта вазннинг янги чемпионига айланган эди.

"Ислам икки карра чампион унвонига эришганидан хурсандман. Бу бизнинг спортда афсонавий мақом ҳисобланади. Хабиб ва унинг жамоаси бунга лойиқ. Мени эса кейинги ҳафта қиладиган ишим бор. Ҳозирча бор эътиборим шу жангда", деб ёзган Билол X (Twitter) саҳифасида.

Муҳаммад 22 ноябрь куни ирландиялик Иэн Гэрри Мачадо билан жанг қилади.