Билол ёки Маддалена? Olamsport.com журналистлари UFC 315 марказий жанги учун тахмин билдиришди

Мусобақанинг марказий беллашувида ярим ўрта вазн чемпиони Билол Муҳаммад австралиялик даъвогар Жек Делла Маддалена билан баҳс олиб боради.

Olamsport.com журналистлари ушбу жанг ҳақида ўз фикрлари билан ўртоқлашишди.

Камолиддин Алимов (Olamsport.com бош муҳаррири):

"Иккиси ҳам деярли бир йил жанг қилмади, иккисини ҳам жанги қолдирилди ўртада. Рақобатбардош жанг бўлади. Маддалена еттита жангдан бери ютқазмай келяпти, лекин тажриба юзасидан Билол устунроқ. Шу юзасидан имкониятлар 55 % га 45 %, устунликни Билолга берган бўлардим. Жек ҳам ўз имкониятидан максимал фойдаланишга ҳаракат қилади. Шундай экан, бу жангга тахмин билдириш қийин экан. Лекин чемпион Билолнинг имкониятларини юқори баҳолайман. Жанг тўлиқ давом этса керак".

Азиз Тўхтамуродов (Olamsport.com муҳаррири):

"Билол Муҳаммад ниҳоят камарини ҳимоя қилади. Унинг Шавкат Раҳмонов билан жангини кутгандим. Аммо ҳозирча бу жанг ташкил этилмади. Маддаленага қарши жангда Билол тажриба бобида устун ҳисобланади ва жангни назорат қилса керак. Шунингдек у Нурмагомедовлар жамоаси билан шуғулланиб, курашини янада кучайтириб олган бўлиши керак. Тахминим: Билол Муҳаммад очколар эвазига ғалаба қозонади. P.S: Енгил вазнда Махачев - Топурия жангини кўришни истайман :)".

Сарвиноз Рахмонқулова (Olamsport.com журналисти):

"Бу жангда Билол Муҳаммад ютади. Унга мухлислик қиламан".

Диёрбек Мавлонов (Olamsport.com журналисти):

"Мухлислик борасида менда ҳар икки жангчига нисбатан умуман симпатия йўқ. Лекин Маддаленанинг фаолиятини ўрта вазндаги чемпион — Дрикюс Дю Плессиникига ўхштаман, кўпчилик паст баҳо беради, лекин у мухлисларга аксини кўрсатади. Шундай экан, эртанги жангда мен ҳам аутсайдер сифатида кўрилаётган Жек Делла Маддаленадан ғалаба кутаман".