Бир миллион долларлик жанг. Пул ҳеч кимга насиб қилмади

Bellator 277 турнирининг иккинчи муҳим воқеасига айланган Вадим Немков ва Кори Aндерсон ўртасидаги Bellator яримоғир вазн тоифасидаги Гран-прининг финал учрашуви муддатидан олдин якунланди, аммо ғолиб аниқланмади.

Дастлабки раундда чемпионга "стойка"да енгилган америкалик иккинчи беш дақиқада вазиятни назорат қилишга муваффақ бўлди. Учинчи раундда Aндерсон ушбу тактикага амал қилишда давом этди ва қарама-қаршиликни яна партерда ўтказди, ўша вақтдаги эпизодларнинг бирида, танаффус учун сигналдан бир неча сония олдин, бошлар тўқнашуви натижасида Немковнинг қоши қаттиқ йиртилди.

Ҳакамга жангни зудлик билан тўхтатишни тавсия қилган шифокор томонидан кўрикдан ўтказилгач, Калифорния Aтлетик Комиссиясининг жангни ўтказган ҳакамлар ҳайъати баҳсда ғолиб аниқланмаганлигини эълон қилди.

Шу тариқа, Вадим Немков чемпионлик камарини ўзида сақлаб қолди ва Bellator яримоғир вазн тоифасидаги Гран-приси ғолиби ва бир миллион доллар соҳиби реванш жангида аниқланадиган  бўлди.