20 июн 16:40
Янгиликлар

Таэквондо

Бир нечта халқаро мусобақалар ғолибасига "Спарк" совға қилинди

Тошкент давлат иқтисодиёт университетининг анжуманлар залида Тошкент шаҳар ҳокимининг битирувчи мактаб ўқувчилар билан учрашуви бўлиб ўтди.

Учрашувда 2020 йилда Олмазор туманидаги 278-мактабни олтин медаль билан битирган, спортнинг Таэквондо ИТФ тури бўйича 2 карра халқаро мусобақа ғолиби, 2 карра Осиё чемпиони, I ДАН қора белбоғ соҳиби, спорт усталигига номзод Муштарий Раззоқова эришган ютуқларини ҳисобга олиб, Тошкент шаҳар ҳокимлиги томонидан "Спарк" автомобили билан тақдирланди.

Ўйлаймизки, “Ёшлар ойлиги”да пойтахт ёшларига кутилмаган совғалар албатта уларнинг келгусидаги ҳаёт йўлида бундан ҳам юқори натижаларга эришишига туртки бўлади.