Биринчи ракеткамиз Нонтабури турнирида кортга чиқди

Соврин жамғармаси 37,520 долларни ташкил этувчи "Nonthaburi 2 Challenger 50" мусобақасида икки ҳамюртимизнинг ҳам ўз омадини синаб кўриши ҳақида хабар берган эдик. Кеча учинчи ракеткамиз Денис Истомин саралаш учрашувида франциялик Тимо Легугага 4/6, 4/6 ҳисобида имкониятни бой бериб қўйганди. 

Ҳозиргина якунига етган асосий тўр доирасидаги 1/6 финал баҳсида мамлакатимизнинг биринчи ракеткаси Сергей Фомин турнирда бешинчи рақам остида таснифланган бразилиялик Габриэль Декампга 2/6, 2/6 ҳисобларида ютқазди. Фомин ўтган ҳафта ҳам Таиланддаги турнирнинг илк даврасидаёқ айнан Габриэлдан енгилганди.