Бироздан сўнг Истомин иштирокидаги учрашув бошланади

Мукофот жамғармаси 53 120 долларни ташкил қилувчи "Nur-Sultan Challenger 80" турнирида ҳамюртимиз Денис Истомин ҳам ўз маҳоратини намойиш этяпти. Кеча Истомин илк даврада россиялик Ян Бондаревскийни уч сет натижасига кўра мағлубиятга учратганди - 6/3, 3/6, 6/2.

Бироздан сўнг ҳамюртимиз иккинчи давра учрашувида украиналик Илья Марченкога қарши кортга чиқади. Истомин АТР рейтингида 449, Марченко эса 288-ўринни эгаллаб турибди. Теннисчилар шу кунгача ўзаро 7 маротаба тўқнаш келишган. Денис 3 та, Илья эса 4 та баҳсда ғалаба қозонган.