15 мар 08:47
Янгиликлар

Теннис

BNP Paribas Open. Дунёнинг биринчи ракеткаси ютқазиб қўйди

АҚШнинг Индиан-Уэллс шаҳрида "Мастерс" сериясига кирувчи нуфузли турнир давом этмоқда.

Кутилмаганда дунёнинг биринчи ракеткаси Даниил Медведев учинчи давра учрашувида мағлубият аламини тотиб кўрди. Россиялик теннисчи ATP рейтингида 28-поғонадан жой олиб турган франциялик Гаэль Монфисга 6/4, 3/6, 1/6 ҳисобида имкониятни бой берди.

Бир юз йигирма етти дақиқа давом этган баҳсда Медведев 5 та, Монфис эса 3 та эйс зарбасини ижро этди. Теннисчиларнинг ўзаро учрашувида Гаэль ҳисобда олдинга чиқиб олди - 2:1.

Монфис фаолиятида йигирманчи уринишда иккинчи бор рейтинг пешқадамини мағлуб этишни уддалади. Француз 2009 йил Доҳадаги турнирда Рафаэль Надални таслим этганди. 35 ёшли Гаэлнинг BNP Paribas Open тўртинчи босқичидаги рақиби испаниялик Карлос Алькараз бўлади.