Боб Арум Бетербиев - Жо Смит жанги қачон бўлишини айтди

"Top Rank" промоутерлик компанияси раҳбари Боб Арумнинг маълум қилишича, IBF/WBC йўналишлари чемпиони Артур Бетербиев ва WBO чемпиони Жо Смит ўртасидаги яримоғир вазн тоифасидаги бирлаштирувчи жанг июнь ойида бўлиб ўтади ва ғолиб октябрь ёки ноябрда Британияда Энтони Ярд билан жанг қилади.

"Жо Смит ва Артур Бетербиев ўртасида бирлаштирувчи жанг бўлиб ўтади. Артур Бетербиевда иккита (IBF ва WBC) ва Жо Смитда WBO чемпионлик камарлари бор, агар, "Канело" шундан кейин жанг қилмаса - мен бунга ишонмайман - биз бундан хурсанд бўламиз. Бетербиев ёки Жо Смит, кузда Лондонда Энтони Ярд билан жанг қилади", - деб айтиб ўтган Арум.

Бетербиев сўнгги жангини АҚШ вакили Маркус Браунга қарши ўтказган. Жанг Монреалдаги профессионал бокс оқшоми доирасида бўлиб ўтган ва унда Артур Бетербиев нокаут эвазига ғолиб бўлган. Россиялик боксчининг ҳисобида 17 та жангда қўлга киритилган 17 та ғалаба мавжуд. Жангларнинг барчаси нокаут билан якунланган.