16 фев 17:02
Янгиликлар
Бокс/ММА
Боб Арум: "Диллиан Уайт Фьюри билан бўладиган жанги учун кўп пул сўрамоқда"
"Top Rank" раҳбари Боб Арум оғир вазн тоифасида WBC чемпиони Тайсон Фьюри (31-0-1, 22 КО) ва британиялик Диллиан Уaйт (28-2, 19 КО) ўртасидаги жангнинг ташкил этилиши ҳақида гапирди.
“Биз тендерда ғолиб чиқдик ва баъзи шартларни бажаришимиз керак эди. Улардан бири WBC'га гаровнинг 10% ни ўтказишдир. Биз буни белгиланган муддатдан бир кун олдин бажардик.
Шундай қилиб, ҳозирда 4 миллион долларидан ортиқ пулимиз WBC'нинг ҳисобида турибди. Кейин биз барча томонларга шартномалар юбордик. Албатта, Фьюри унинг нусхасини имзолади.
Бизда Диллиан Уайт билан муаммо юзага келди. Аввалига улар жангни ташкил қилиш учун кўпроқ пул исташларини айтди.
Ўйлайманки, улар барибир кўп пул олишади. Аммо бу уларнинг ҳудуди эмас ва улар ўз шартларини ўтказа олмайди. Уайтнинг адвокати шартномани имзолаб, бизга юборишларини айтди.
Шартнома келаси ҳафта бизга қайтиб келади. Шундан сўнг Фрэнк Уоррен матбуот анжумани ўтказади», - деди Арум.
Ҳавола :
Манба : championat.com
Фикрлар