18 фев 11:48
Янгиликлар

Футбол

Бобир Абдихолиқов Украина клубига ўтмоқда

Яқин вақт ичида ўзбекистонлик ҳужумчи Бобир Абдихолиқов легионерга айланади.

Championat.asia сайти маълумотига кўра, Бобир Абдихолиқов Украина премьер-лигаси иштирокчиси бўлган Львовнинг "Рух" клуби билан шартнома тузади. Футболчига Осиё клубларидан таклифлар бўлган, бироқ футболчи айни пайтда катта маошни эмас Европада ўйнашни танлади.

2003 йилда ташкил топган мазкур клуб ўз уй ўйинларини Львов шаҳридаги "Арена Львов" стадионида ўтказади. Мазкур стадион 2012 йилги Европа чемпионати ўйинларини қабул қилган.

"Рух" ўтган мавсум қуйи лигада иккинчи ўринни эгаллаб ўз тарихида илк бор Премьер-лигага йўлланма олган. Айни пайтда "Рух" 14та ўйиндан сўнг 10 очко билан мусобақа жадвалининг 13-поғонасида бормоқда.