23 фев 14:55
Янгиликлар

Дзюдо

Бобонов иппон эвазига тожикистонлик рақибини енгди

Дюссельдорф "Катта Дубулға" турнирининг сўнгги учинчи кунги беллашувлари давом этмоқда.

Ҳозиргина -90 кг вазн тоифасидаги дзюдочимиз Давлат Бобонов илк давра учрашувини якунлади. Бобонов тожикистонлик Сиротулло Икромовга қарши баҳс олиб борди ва рақибини иппон баҳоси эвазига таслим этди.

Энди Давлат Бобонов кўплаб Гран-При ва "Катта Дубулға" турнирлари ғолиб ҳамда совриндори қозоғистонлик Ислам Бозбаевга қарши татамига чиқади.