01 апр 17:04
Янгиликлар

Дзюдо

Бобонов рейтингда 34, Хуррамов 4 поғонага кўтарилди

Тбилиси Гран-Присидаги муваффақиятли иштирок сабаб бир неча дзюдочиларимиз рейтингда кўтарилишга эришишди.

Ҳамюртларимиздан энг юқори ўсишни Давлат Бобонов қайд этди. Грузия татамиларида 5-ўринни эгаллаган Бобонов 110-поғонадан 76-ўринга кўтарилиб олди. Яъни, 34 поғонага юқорилади.

Ушбу турнирда бронза медалини қўлга киритган Муҳаммадкарим Хуррамов аввалги ўрнига нисбатан 4 поғонага кўтарилди. У 40-поғонадан 36-ўринга сакради. Шарофиддин Лутфуллаев эса бир поғонага юқорилаб, ҳозирда 8-ўринни эгаллаб турибди.

Маълумот учун, Тбилиси Гран-Присининг бронза медал соҳиблари - Шарофиддин Лутфуллаев (-60 кг) ва Муҳаммадкарим Хуррамов (-100 кг) 350, 5-ўрин эгаси Давлат Бобонов (-90 кг) эса 250 рейтинг очкосини қўлга киритган.