Богдан Гусков Анкалаевдан қабул қилган мағлубиятига изоҳ берди

"Дўстлар, ҳаммага салом! Бугун шундай бўлиб қолди. Бир нарсани аниқ айтаман - Ўзбекистон капитани таслим бўлмайди! Яна кўришамиз!", - деди "Царевич" ижтимоий тармоқдаги саҳифасида. 

Эслатиб ўтамиз, Богдан Гусков аслида 1 август куни Белградда бўлиб ўтадиган UFC Fight Night 283 турнирида Ян Блаховичга қарши реванш жангини ўтказиши керак эди. Бироқ Анкалаевнинг рақиби америкалик Халил Раунтри жароҳат олгач, унинг ўрнини қисқа чақириқда Гусков эгаллаганди. 

Маълумот учун, 33 ёшли Богдан Гусков 2023 йил сентябрь ойида UFC’да дебют қилган ва ўшанда ҳам қисқа фурсатда Волкан Оздемирга қарши жангга рози бўлган ва оқибатда биринчи раунддаёқ ютқазиб қўйган эди. Ўшандан кейин у кема-кет тўртта жангда муддатидан олдин ғалаба қозонди, ўтган йилнинг декабрь ойида эса Яна Блахович билан дуранг натижа қайд этди.