18 авг 07:52
Янгиликлар

Бокс/ММА

Богдан Гусков UFC'даги дебюти олдидан Ўзбекистонга келди

Ярим оғир вазн тоифасида UFC жангчисига айланган ўзбекистонлик Богдан Гусков Instagram саҳифаси орқали Ўзбекистонга келганига ишора қилди.

Ҳамюртимиз мазкур сурат орқали Тошкентга келганини маълум қилди. У 2 сентябрь куни Франция пойтахти Парижда ташкил этиладиган UFC Fight Night турнирида Швейцария вакили, UFC рейтингининг 8-ўрнида бораётган Волкан Оздемир билан жанг қилади.

Аввалроқ, Богданнинг жанг олдидан USADA назоратидан ўтгани ҳақида хабар берган эдик.

Маълумот учун, Тошкент вилоятининг Ангрен шаҳрида туғилган Богдан фаолияти давомида 16 та жанг ўтказиб, уларнинг 14 тасида ғалаба қозонган, 2 та жангда рақибларига имкониятни бой берган.