30 авг 17:53
Янгиликлар

Бокс/ММА

Богдан Гусковнинг бўлажак рақиби Волкан Оздемир ҳамюртимиз билан жанг ҳақида гапирди

Швейцариялик UFC жангчиси Волкан Оздемир ўзбекистонлик Богдан Гусков билан бўлажак жанг олдидан ўз фикрлари билан ўртоқлашди.

"Топ-15'да мен билан жанг қила оладиган ҳеч ким йўқ эди, шунинг учун, агар мен бу турнирда иштирок этишни хоҳласам, дебютант билан жанг қилишим кераклигини айтишди. Мен бундан хафа бўлдим. Бундай жанглар ҳам тузоқ, ҳам совға бўлиши мумкин.

Мен бу йигитнинг октагонда ётишини ва рефери қўлимни кўтаришини хоҳлайман. Менинг томошабинларим, халқим бўладиган Парижда ғалаба қозониш мен учун муҳим. Жангни интиқлик билан кутяпман", - деди Оздемир.

Эслатиб ўтамиз, Богдан Гусков ва Волкан Оздемир жанги 2 сентябрь тунда бўлиб ўтади.