Богдан Гусковнинг қиёфадоши АҚШда учта жиноят моддаси бўйича ҳибсга олинди

Бу ҳақда TMZ Sports ва ESPN хабар бермоқда.

38 ёшли жангчи 27 июль, душанба куни кечқурун маҳаллий округ қамоқхонасига жойлаштирилди. Унга террорчилик таҳдиди қилиш, биринчи даражали ноқонуний равишда эркинликдан маҳрум қилиш ҳамда оғир тан жароҳатига сабаб бўлган оилавий зўравонлик айбловлари қўйилган.

Ҳибсга олинишига сабаб бўлган воқеа тафсилотлари ҳозирча ошкор қилинмаган.

Оилавий зўравонлик моддаси бўйича Смитга 20 йилгача озодликдан маҳрум қилиш жазоси тайинланиши мумкин. Қолган икки модда бўйича эса ҳар бири учун 3 йилгача қамоқ жазоси кўзда тутилган.

Энтони Смит фаолияти давомида ММАда 61 та жанг ўтказиб, 39 та ғалаба ва 22 та мағлубият қайд этган. У 2019 йилда ярим оғир вазн тоифасида UFC чемпионлик камари учун Жон Жонсга қарши жанг қилиб, ҳакамларнинг якдил қарори билан мағлуб бўлган.