Богдан "Шаҳзода" Гусков Магомед Анкалаевга қарши жанг тактикасини ошкор қилди

"Менимча, ўйин жанги бўлса керак. Чунки бундай жиддий "контрпанчер", яъни қарши ҳужумчига қарши куч кўрсатишга уриниш жуда аҳмоқона бўларди. Мен бутун тайёргарлигимни шунга қурган бўлардим. Бу чинакамига "ўйин" бўларди. Эҳтимол, жанг тўлиқ давом этган ва унинг ғолиби ҳакамлар қарорига кўра аниқланган бўларди. Ҳар ҳолда мен ўз режамни шундай тузган бўлардим. 

У билан олишиш ёки бирор жойда шапалоқ билан қўлга туширишни мўлжаллаб, жанг режасини тузиш аҳмоқлик бўларди - у ҳамма нарсани кўриб турибди. Қанчалик ғалати туюлмасин, Анкалаев билан ҳаммадан кўра Крилов яхши муштлашди. Рақобатли жангнинг плюс-минуслари бор эди. Аммо биз ўз тайёргарлигимизни ўйинга қурган бўлардик, уни чўзиш ва ишлашга мажбур қилиш учун. Аммо тепага чиқиш учун яна камида икки қадам ташлашим керак," - деди аралаш яккакураш устамиз HUSTLE SHOW подкастининг навбатдаги сонида.

Аввалроқ, Богдан "Шаҳзода" (Царевич) Гусков навбатдаги рақиби сифатида дивизионнинг собиқ чемпиони, рейтингнинг олтинчи поғонасида бораётган америкалик Жамал Хиллни кўришни исташини маълум қилганди. Ўтган ойда Богдан биринчи раунддаёқ россиялик Никита Криловни техник нокаутга учратиб, UFC’да кетма-кет тўртинчи муддатидан олдинги ғалабасини қўлга киритганди.