Бокс бўйича жаҳон чемпионати учун қуръа ташланди, ҳамюртларимизга кимлар рақиблик қилади?

Бугун ушбу чемпионат учун қуръа ташлаш маросими бўлиб ўтди.

- 48 кг: Шодиёржон Мелиқўзиев ЖЧдаги иштирокини саралаш босқичидан бошлайди, унга непаллик Тара рақиблик қилади. Ушбу жангда ғалаба қозонган тақдирида, ҳамюртимиз қозоғистонлик тажрибали Санжар Ташкенбай билан тўқнаш келади.


- 51 кг вазнда Ҳасанбой Дўсматов ҳам ўз иштирокини саралашдан бошлайди, унга биринчи бўлиб мексикалик Кастенада Хименес рақиблик қилади.


Яна бир боксчимиз, - 54 кгдаги Ойбек Жўраев нимчорак финал босқичида рингга чиқади, у мазкур вазнда еттинчи рақамда таснифланган сербиялик тажрибали Тамир Галанов билан жанг қилади.


- 57 кгдаги ҳамюртимиз Абдумалик Халаков эса иштирокини нимчорак финалда бошлайди, у гвинеялик Аликок ва туркманистонлик Гилжанов баҳси ғолибига қарши рингга чиқади.


Мужибилло Турсунов эса - 60 кгдаги иштирокини саралаш баҳсидан бошлайди, у илк жангини ҳиндистонлик Сингҳ Вариндерга қарши ўтказади. Жанг эртага ўтказилади.

63, 5 кг вазнда ўзбекистонлик боксчи Руслан Абдуллаев ҳам 1/16 финалдан жангларга қўшилади, унга пуэрто-риколик Фебус рақиблик қилади.


Асадхўжа Мўйдинхўжаев эса - 67 кгда нимчорак финалдан жангларга қўшилади. У япониялик Мука Вакита ва полшалик Сзот ўртасидаги жанг ғолиби билан тўқнаш келади.


- 71 кг. Саиджамшид Жафаров саралашда мозамбиклик Мухангага қарши жанг қилади. Ғолиб бўлган тақдирда ҳамюртимиз вазннинг учинчи рақамли жангчиси, мексикалик Альварес Верде билан тўқнаш келади.


- 75 кг. Энг ёш боксчимиз Аълохон Абдуллаев ўз иштирокини нимчорак финалда бошлайди. У хитойлик Жаога қарши жанг қилади.

- 80 кг. Жасур Йўлдошев саралаш баҳсида жазоирлик Немочи билан тўқнаш келади.


- 86 кг. "Ёқимтой" боксчимиз — Шоҳжаҳон Абдуллаев саралаш жангида африка вакили Нланду Мбелига қарши рингга чиқади.

Оғир вазн тоифасидаги ҳамюртимиз Лазизбек Муллажонов нимчорак финалда колумбиялик Колорадо Уртадо билан тўқнаш келади.

Мусобақанинг супероғир вазн тоифасида 3-рақамли дея таснифланган Баҳодир Жалолов иштирокини нимчорак финал босқичидан бошлайди.