Бокс бўйича Ўзбекистон чемпионати қуръаси натижалари

Хабар берганимиздек, мусобақада яқиндагина Екатеринбург шаҳрида бўлиб ўтган жаҳон чемпионатида юртимиз шарафини ҳимоя қилган етакчи боксчиларимиз - Санжар Турсунов, Фанат Қаҳрамонов, Элнур Абдураимов сингари кучли боксчиларимиз ҳам рингга кўтарилади. 

Қуръа натижасига кўра -91 кг вазн тоифасида иштирок этувчи Санжар Турсунов илк даврада хоразмлик Илҳом Қурбонбоевга қарши рингга чиқади. Ғалаба қозонган тақдирда иккинчи босқичда андижонлик Ферузбек Матисаев билан тўқнаш келади. 

-75 кг вазн етакчиси бўлган Фанат Қаҳрамонов иккинчи даврадан баҳсларга қўшилади. У бу босқичда Ҳусанбой Қирғизбоев ҳамда Наво Тамазов жанги ғолибини синовдан ўтказади. 

-64 кг вазн вакили ҳисобланган Элнур Абдураимов қуръа натижасига кўра ўз иштирокини биринчи даврадан бошлайди. Унинг рақиби Тошкент вилояти боксчиси Жасурбек Ҳайдаров бўлади.