Бокс бўйича Қозоғистон терма жамаосига янги бош мураббий тайинланди

Бироз аввал бокс бўйича Қозоғистон терма жамоаси бош мураббийи Кайрат Сатжанов лавозимидан озод этилгани ҳақида хабар берган эдик. Мамлакат бокс федерацияси матбуот хизматининг хабар беришича, терма жамоага янги мураббий сифатида Мирзагали Айтжанов тайинланган. 

Қозоғистон терма жамоасининг энг муҳим тарихий муваффақиятлари унинг номи билан боғлиқ. У терма жамоани 2009 йилдан 2018 йилгача бошқарган. Унинг мураббийлигида жаҳон чемпионатларида боксчилар 5 та олтин медални қўлга киритишган (2013йилда 4 та, 2017 йилда 1 та).